កិច្ចប្រជុំដើម្បីជំរុញយុទ្ធនាការទស្សនាកម្ពុជារដូវកាលបៃតង ឆ្នាំ២០២៦

ថ្នាក់ដឹកនាំសមាគមទេសចរណ៍កម្ពុជា (CATA) ជាមួយ ឯកឧត្តម មហាំម៉ាត់ យូណេះ អនុរដ្ឋលេខាធិការក្រសួងទេសចរណ៍ និងជាប្រធានលេខាធិការដ្ឋាននៃក្រុមការងារជំរុញយុទ្ធនាការទស្សនាកម្ពុជានៅរដូវកាលបៃតង បានដឹកនាំកិច្ចប្រជុំពិភាក្សាការងារជាមួយ នៅទីស្តីការក្រសួងទេសចរណ៍។

កិច្ចប្រជុំនេះមានគោលបំណងពិភាក្សា និងបង្កើនសមត្ថភាពការងារសហការរវាងភាគីទាំងពីរ ដើម្បីជំរុញយុទ្ធនាការ “ទស្សនាកម្ពុជា រដូវកាលបៃតង ២០២៦” ឲ្យមានប្រសិទ្ធភាព និងទាក់ទាញភ្ញៀវទេសចរណ៍បន្ថែម។ ក្រៅពីនេះ ក៏បានលើកឡើងពីកិច្ចចូលរួមរបស់វិស័យឯកជនក្នុងការផ្សព្វផ្សាយគោលនយោបាយ និងផលប្រយោជន៍នៃរដូវទេសចរណ៍បៃតងទូទាំងប្រទេស។