ឧកញ៉ា ឆាយ ស៊ីវលីន បានចូលរួមក្នុងកិច្ចប្រជុំជាមួយអ្នកដឹកនាំសហគ្រាសទេសចរណ៍ធំៗ ក្នងខេត្តយូណាន

នៅថ្ងៃទី២៦ ខែសីហា ឆ្នាំ២០២៥ ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា បានចូលរួមក្នុងកិច្ចប្រជុំជាមួយអ្នកដឹកនាំសហគ្រាសទេសចរណ៍ធំៗ ខេត្តយូណាន ប្រទេសចិន។ កិច្ចប្រជុំនេះ មានការអញ្ជើញអ្នកតំណាងពីក្រុមហ៊ុនទេសចរណ៍អន្តរជាតិដ៏ធំៗ រួមមាន Trip.com ដឹកនាំដោយលោក MA Zhigang ប្រធានមន្ទីរវប្បធម៌ និងទេសចរណ៍ខេត្តយូណាន។ កម្មវិធីនេះផ្តោតលើការផ្លាស់ប្តូរទស្សនៈ និងបទពិសោធន៍ ដើម្បីពង្រឹង និងពង្រីកកិច្ចសហប្រតិបត្តិការលើវិស័យទេសចរណ៍រវាងប្រទេសកម្ពុជា និងខេត្តយូណាន ដោយមានគោលបំណងជំរុញលំហូរភ្ញៀវទេសចររវាងប្រទេសកម្ពុជា ខេត្តយូណាន និងទីផ្សារអន្តរជាតិទៅកាន់គោលដៅទាំងពីរ។