កិច្ចប្រជុំពិភាក្សាស្តីពីបញ្ហាប្រឈមរបស់ទីភ្នាក់ងារទេសចរណ៍ ក្នុងការផ្តល់សេវាបដិសណ្ឋារកិច្ច

សមាគមទេសចរណ៍កម្ពុជា ដឹកនាំដោយ ឧកញ៉ា ឆាយ ស៊ីវលីន បានជួបពិភាក្សាជាមួយក្រុមហ៊ុនអាកាសយានដ្ឋានតេជោអន្តរជាតិ ដើម្បីពិភាក្សាអំពីបញ្ហាប្រឈមដែលទីភ្នាក់ងារទេសចរណ៍កំពុងប្រឈមក្នុងការផ្តល់សេវាបដិសណ្ឋារកិច្ច និងការបម្រើភ្ញៀវទេសចរ។ កិច្ចប្រជុំនេះផ្តោតសំខាន់លើការពង្រឹងកិច្ចសហការរវាងវិស័យឯកជន និងអាកាសយានដ្ឋាន ក្នុងការស្វែងរកដំណោះស្រាយប្រកបដោយប្រសិទ្ធភាព ដើម្បីលើកកម្ពស់គុណភាពសេវាកម្ម និងបទពិសោធន៍ភ្ញៀវទេសចរ។ ភាគីទាំងពីរបានផ្លាស់ប្តូរមតិយោបល់ និងស្វែងរកវិធីសាស្ត្រសហការដើម្បីគាំទ្រការអភិវឌ្ឍវិស័យទេសចរណ៍កម្ពុជា ឲ្យមានភាពប្រកួតប្រជែង និងចីរភាព។