ខេត្តសៀមរាប : សហគមន៍ទេសចរណ៍ធម្មជាតិ កំពង់ភ្លុក

សហគមន៍ទេសចរណ៍ធម្មជាតិកំពង់ភ្លុកបង្កើតឡើងនៅថ្ងៃទី២០ ខែសីហា ឆ្នាំ២០១៣ ក្នុងគោលបំណងគាំទ្រដល់ស្រី្តក្នុងភូមិ ដើម្បីលើកកម្ពស់ជីវភាពដោយផ្តល់ឱ្យពួកគាត់មានមុខរបរថ្មីគឺការអុំទូកដឹកភ្ញៀវទេសចរ ទស្សនាសត្វព្រៃ និងព្រៃលេចទឹក ដែលមានការកើនឡើង និងមានការថែរក្សាតាំងពីឆ្នាំ១៩៣១។ សហគមន៍នេះមានទីតាំងនៅក្នុងភូមិចំនួន៣ដូចជា ភូមិគោកក្តុល ភូមិដីក្រហម និងភូមិត្នោតកំបុត ក្នុងស្រុកប្រាសាទបាគង នៃខេត្តសៀមរាប[១]។ សេវាកម្មនៅក្នុងសហគមន៍មានដូចជា៖

ការទស្សនាផ្ទះអ្នកភូមិ

ទស្សនាវត្តកំពង់ភ្កុក

ទស្សនាសាលារៀន

ទស្សនាការធ្វើបង្គាក្រៀម និងត្រីឆ្អើរ

ទស្សនាការនេសាទ

បរិភោគអាហារនៅអាហារដ្ឋានបណ្តែតទឹក

ជីះទូកទស្សនាព្រៃកិចទឹក និងជីវិតសត្វ

ទស្សនាថ្ងៃលិចនៅលើបឹងទន្លេសាប។

សហគមន៍ទេសចរណ៍ធម្មជាតិ កំពង់ភ្លុក គឺជាតំបន់ទេសចរណ៍ធម្មជាតិមួយកន្លែងដែលមានចម្ងាយប្រមាណ ៣២គីឡូម៉ែត្រពីក្រុងសៀមរាប ប្រមាណ ១ម៉ោង។

ភ្ញៀវទេសចរ ជិះទូក កាណូត ទស្សនាកំសាន្ត និងផ្តិតយកទេសភាពគួរជាទីគយគន់នៃសម្រស់ធម្មជាតិព្រៃលិចទឹក និងទន្លេសាប ដ៏ធំល្វឹងល្វើយ។ លើសពីនេះ លោកអ្នកនឹងទទួលបានការយល់ដឹងពីការរស់នៅ នៅក្នុងសហគមន៍កំពង់ភ្លុកបានផងដែរ។