ខេត្តកំពត់ : រមណីយដ្ឋានដូងទេរ

រមណីយដ្ឋានដូង ទេរ ជារមណីយដ្ឋានមួយស្ថិតលើដងព្រែកទឹកឈូ ចម្ងាយប្រមាណ ៧គីឡូម៉ែត្រ ពីស្ពានកំពតថ្មីប្រមាណ ១០-១៥នាទី។នៅទីនោះ មានដូងទេរយ៉ាងស្រស់ស្អាតលយចូលទៅទឹកបឹងបង្អួតសម្រស់យ៉ាងត្រកាល។ ទេសភាពឆ្នេរមាត់ព្រែកដ៍ស្រស់ស្អាត សម្រាកលំហែកាយ ហែលទឹកកម្សាន្ត ទទួលទានអាហារឆ្ងាញ់ៗ មិនតែប៉ុណ្ណោះ ភ្ញៀវទេសចរអាចរកជិះក្ដាររំអិលកោងខ្ពស់ ជិះទូកកាយ៉ាក់ ដោយចំណាយប្រាក់ប្រមាណ ៣ដុល្លារម្នាក់។រមណីយដ្ឋានដូងទេរ នេះស្ថិតនៅក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត គឺនៅជាប់នឹងព្រែកកំពត។