សមាគមទេសចរណ៍កម្ពុជា ចូលរួមព្រឹត្តិការណ៍ ATEX 2025 នៅកូតាគីណាបាលូ រដ្ឋសាប៉ា ប្រទេសម៉ាឡេស៊ី

សមាគមទេសចរណ៍កម្ពុជា សូមថ្លែងអំណរគុណដល់ ASEANTA និង MATTA ដែលបានរៀបចំ និងអញ្ជើញចូលរួមក្នុងព្រឹត្តិការណ៍ ATEX 2025 ដែលបានប្រព្រឹត្តទៅនៅទីក្រុងកូតាគីណាបាលូ រដ្ឋសាប៉ា ប្រទេសម៉ាឡេស៊ី ចាប់ពីថ្ងៃទី១៩ ដល់ ២១ ខែមិថុនា ឆ្នាំ២០២៥។ ព្រឹត្តិការណ៍នេះត្រូវបានរៀបចំយ៉ាងមានវិជ្ជាជីវៈ និងមានការគ្រប់គ្រងល្អប្រសើរ ដែលអនុញ្ញាតឱ្យអ្នកចូលរួមបានជួបពិភាក្សា និងភ្ជាប់ទំនាក់ទំនងជាមួយអ្នកលក់ និងអ្នកទិញរាប់រយនាក់មកពីបណ្តាប្រទេសជាច្រើនជុំវិញពិភពលោក។ តាមរយៈការចូលរួមរយៈពេល៣ថ្ងៃនេះ CATA បានបង្កើតឱកាសអាជីវកម្មថ្មីៗ និងបើកបណ្តាញផ្សព្វផ្សាយថ្មីៗ ដើម្បីលើកកម្ពស់ និងផ្សព្វផ្សាយវិស័យទេសចរណ៍កម្ពុជា ទៅកាន់ទីផ្សារអន្តរជាតិ។