ការជំរុញជំនាញទេសចរណ៍ប្រកបដោយចីរភាព តាមរយៈមូលនិធិអភិវឌ្ឍន៍ជំនាញ

ពិធីបើកវគ្គបណ្តុះបណ្តាលពង្រឹងសមត្ថភាពវិជ្ជាជីវៈទេសចរណ៍ លើ ៤ ជំនាញ រួមមាន៖
១) សេវាកម្មម្ហូបអាហារ និងភេសជ្ជៈ
២) ជំនាញចុងភៅ
៣) ជំនាញគេហកិច្ច
៤) ជំនាញការិយាល័យជួរមុខ

ត្រូវបានរៀបចំឡើងនៅខេត្តព្រះសីហនុ នាថ្ងៃទី ០៩ ខែមករា ឆ្នាំ ២០២៦ ដោយ សមាគមទេសចរណ៍កម្ពុជា (CATA) ជាអ្នកអនុវត្តគម្រោង។ វគ្គបណ្តុះបណ្តាលនេះ បានទទួលការគាំទ្រពី ក្រសួងទេសចរណ៍ និង រដ្ឋបាលខេត្តព្រះសីហនុ ព្រមទាំងឧបត្ថម្ភកញ្ចប់ហិរញ្ញប្បទានពី មូលនិធិអភិវឌ្ឍន៍ជំនាញ (Skills Development Fund – SDF) និងផ្តល់ទីតាំងបណ្តុះបណ្តាលដោយ សាលាបណ្តុះបណ្តាលវិជ្ជាជីវៈទេសចរណ៍ខេត្តព្រះសីហនុ។ កម្មវិធីនេះ មានគោលបំណងពង្រឹងសមត្ថភាពធនធានមនុស្សក្នុងវិស័យទេសចរណ៍ ឱ្យមានជំនាញវិជ្ជាជីវៈ ស្របតាមតម្រូវការទីផ្សារ និងចូលរួមលើកកម្ពស់គុណភាពសេវាកម្មទេសចរណ៍នៅកម្ពុជា ឱ្យកាន់តែមានភាពប្រកួតប្រជែង និងចីរភាព។